منتدى مها وهدير

منتدى مها وهدير

الموضوعات العامه
 
الرئيسيةمنتدى مها وهديراليوميةس .و .جبحـثالتسجيلدخول

شاطر | 
 

 نكات وفكاهه فى ميدان التحرير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
عضو ذهبى
عضو ذهبى
avatar

ذكر عدد المساهمات : 1131
تاريخ التسجيل : 29/12/2010

مُساهمةموضوع: نكات وفكاهه فى ميدان التحرير   الجمعة مارس 04, 2011 5:03 pm

السلام عليكم ورحمة الله وبركاته
بسم الله الرحمن الرحيم
اللهم صل على محمد وعلى آله وصحبه أجمعين

معاكم أخوكم محمود
أنا أسف علشان مش متواجد كتير اليومين دول
متابع ثورة بلدنا الثورة الحرة المنتصرة
بأذن الله

أنا روحت ميدان التحرير يوم واحد
ومعرفتش أروح تانى بجد الموضوع صعب

بس فى هناك شعارات منها المضحك ومنها المسيء
وفى نكات كتيرة منها


قالوا لأحمد عز من أين لك هذا؟
قال هذا من فضل ربى
رد الشيطان عليه و قال.....
اه ياواطى ياناكر الجميل !!!!


البرادعى وواحد من الأخوان و عز راكبين تاكسى
قال البرادعى أنا لما بخطب بيسقفلي مليون واحد!
قال بتاع الأخوان:أنا لمابروح الجامع بيسقفلى ربع مليون!
وقال عز وأنالما بدخل المجلس بيسقفلى نص مليون!
قال السواق وأنا لو دخلت بيكم فى حيطة هيسقفلى 80 مليون واحد


مكاسب الثورة المصرية:
1. إقالة الحكومة الأردنية
2. رفع قانون الطوارئ فى الجزائر
3. إعلان الرئيس اليمنى عدم ترشيح نفسه للرئاسة
4. تعديل الدستور الصينى
5. قمع الشعب السورى قبل مايفكر يثور
6. بقاء الرئيس مبارك و لا كأن حاجة حصلت

حسني مبارك اتصل على زين العابدين بن علي في جدة.. وقال له: لو حتنام بدري أبقى والنبي سيبلي المفتاح تحت الباب.


الشعب.. يُريد .. إسقاط النظام

يسقط يسقط حسني مبارك

ارحل ارحل يا مُبارك.. السعودية بانتظارك

بالجيش.. والشعب .. حنكمل المشوار

تغيير.. حُرية.. عدالة اجتماعية

ارحل ارحل زي فاروق.. شعبنا منك بقى مخنوق

عل وعل وعل الصوت.. إللي حيهتف مش حيموت

يا حُرية فينك فينك.. حسني مبارك بينا وبينك

يا حاكمنا بالمباحث.. كل الشعب بظلمك حاسس

ارحل بقا ياعم.. وخلي عندك دم

هو مُبارك عايز إيه.. عايز الشعب يبوس رجليه

يا مُبارك مش حنبوس.. بكرا عليك بالجزمة ندوس

يا جمال قل لأبوك.. كل الشعب بيكرهوك

ثم يأتي أحدهم ويهتف بصوت عالٍ: حُسني مُبارك

فترُد الجُموع المُمتدة بكل ما أوتيت من صوت: باااطل

حُسني مُبارك ... باااطل

جمال مُبارك... باااطل

الحزب الواطي... باااطل

أحمد عز... باااطل

فتحي سرور... باااطل


الصحافة فيين .. المليون أهُم .. الصحافة فيين .. المليون أهُم

ثم استمروا في الهُتافات الساخرة:

عايزين حكومة حرة .. العيشة بقت مُرة

عايزين حكومة جديدة .. بقينا ع الحديدة


بأذن الله كام يوم بس وهاتفرج وسأكون متواجد للتفاعل معكم
تقبلو تحياتى
ودعواتكم معانا


اسلمى يا مصر إننى الفدا

ذى يدى إن مدت الدنيا يدا

أبدا لن تستكينى أبدا

إننى أرجو مع اليوم غدا

ومعى قلبى وعزمى للجهاد

ولقلبى أنت بعد الدين دين

لكى يا مصر السلامة

وسلاما يا بلادى

إن رمى الدهر سهامه

أتقيها بفؤادى

واسلمى فى كل حين

أنا مصرى بنانى من بنى

هرم الدهر الذى أعيا الفنا

وقفة الأهرام فيما بيننا

لصلوف الدهر وقفتى أنا

فى دفاعى وجهادى للبلاد

لا أميل لا أمل لا ألين

لكى يا مصر السلامة

وسلاما يا بلادى

إن رمى الدهر سهامه

أتقيها بفؤادى

واسلمى فى كل حين

ويك يا من رام تقييد الفلك

أى نجم فى السما يخضع لك

وطن الحر سمًا لا تمتلك

والفتى الحر بأفقه ملك

لا عدا يا أرض مصر بكى عاد

أننا دون حماكى أجمعين

لكى يا مصر السلامة

وسلاما يا بلادى

إن رمى الدهر سهامه

أتقيها بفؤادى

واسلمى فى كل حين

للعلا أبناء مصر للعلا

وبمصر شرفوا المستقبلا

وفدًا لمصرنا الدنيا فلا

نضع الأوطان إلا أولا

جانبى الأيسر قلبه الفؤاد

وبلادى هى لى قلبى اليمين

لكى يا مصر السلامة

وسلاما يا بلادى

إن رمى الدهر سهامه

أتقيها بفؤادى

واسلمى فى كل حين

_________________
مع تحياتى
على الشافعى
الرجوع الى أعلى الصفحة اذهب الى الأسفل
http://1959.forumegypt.net
 
نكات وفكاهه فى ميدان التحرير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مها وهدير :: الفئة الأولى :: النكت والطرائف-
انتقل الى: