حصن مصر المنيع

عدد المساهمات : 123 تاريخ التسجيل : 21/02/2011

--------------------------------------------------------------------------------

الوحدة الوطنية هى حصن مصر المنيع أمام محاولات كل من يحاول تدمير أمنها فى الداخل أو الخارج.

طبعا اللى هايقرأ العنوان هايقول مذكرات عاملة مظاهرة ولا ايه ولا تكونش هاتعمل خطبة عن الوحدة الوطنية ،ارد اقولهم لا انا مش عاملة حاليا عن الوحدة ولا ده هايكون عنوان موضوع الوحدة لكن ده عنوان لموضوع فى امتحان اللغة العربية للصف الثالث الاعدادى طالب من طلاب الاعدادية انهم يتكلموا عن الوحدة الوطنية وكيف انها الحصن وان هناك اعدأء داخليين وخارجين يستغلون التفرقة وتشتيت الوحدة،بعد سؤالى للطلبة الحلوين المقطقطين كتبتوا ايه فى الموضوع ده ياحلوين.للاسف العيال طلعوا منافقينبدل مايكتبوا عن الوحدة بين قطبى الامة المصرية فضلوا يمدحوا فى طويل العمر يطول عمره وينصره على مين يعاديه هاى هىء،سيادة الرئيــــــــــس وكيف انه رمز للوحدة والامن والامان،ده موضوع من المواضيع خدوا بقى الموضوع التانى

عدد المساهمات : 123 تاريخ التسجيل : 21/02/2011

عرف أن الوظيفة لن تأتى اليه وهو جالس فى بيته فخرج يبحث عنها وعن مستقبله.
اكتب قصته.

جميل جدا تشجيع الطلبة على الابداع والخيال هى دى الخطة الخمسية اللى بيقولوا عليها،وحلو انهم يشجعوا ويفهموا الطلبة ان الوظيفة لازم تدوروا عليها هى مش بتدور على حد،يعنى اتعلموا من دلوقت ازاى تدوروا على وظيفة طب والله كويس مش عارفة ليه بيفكرنى بالاعلان بتاع القطر اللى بيجرى والشباب بيجروا وراهبعد ماقرأت الموضوع ده اتأكدت ان الحكومة بتاعتنا منظومة متكاملة كل جهاز بيخدم التانى والدليل اعلانات مصر بتتقدم بينا وموضوع تعبير ثالثة اعدادى.
انا لما قدمت الموضوع مش للسخرية او انى انتظر تعليق من حد يقولى ماشى كسبنا صلاة النبى تقصدى ايه ياخالة مذكرات من موضوعك .اقوله بص ياضنايا انا كتبت الموضوع ده علشان اعرف رأى الاعضاء لو موضوع من المواضيع دى اتعرض قدامه هايتكلم بصيغة الشعارات والانشا والبق المليان ع الفاضى ولا هايقول وبجد ايه المنطقى فى الموضوع وايه غير منطقى...............
__________________

المواطن المطلوب خارج نطاق العقل حالياً
ومع ذلك لا يزال ملتزم بالتوقيع أدناه!!
"لا تقلق قد لايحدث أبداً ولكن إن حدث
يمكننا أن نستعيده"