بيرم التونسي والغناء الشعبي
بيرم التونسي ( شاعر سكندري المولد والمنشأ تونسي الاصل ) قال عنه امير الشعراء احمد شوقي اخاف على الفصحى من بيرم فقد كان بيرم نابغة في شعر العامية كانت كل اشعاره طلقات رصاص على الفساد السياسي والاجتماعي في مصر ( تذكرته عندما سمعت مطربي التهيس والتهجيص اللى بيتقال عليهم شعبيين والله يرحم بيرم وزمنه ولمن لم يسمع بيرم اترككم مع مجموعة من ازجاله وبعضها غناه اسماعيل ياسين
يا مصري انت اللى هاممني من دون الكل
******************************
من قبل ما اكتب انا عارف القول ضايع
والاجر بالتأكيد ذاهب حسب الشايع
والشتم حايجيني مسوجر من واد صايع
مهما انكويت بالنار والزيت برضك فنان
يا مصري و انت اللى هاممني من دون الكل
هزيل ويحسبك الجاهل عيان بالسل
من دي الكيوف اللى تصبر على كتر الذل
ونمت والعالم فايق قوم بص وطل
شوف الشعوب واتغص ودوب وارجع انسان
واللى آلمني وبكاني أنت يا شامي
عالاكل نازل طول عمرك بارد حامي
وقلت لما نهيتك مصري حرامي
لحد ما الجزار خلا جرحك دامي
والله الخروف سايب معلوف ما يفوته جعان
والمغربي المسلم راخر أبو زر فاشوك
لما انتقدته فزع قال لي يلعن بو أبوك
وانا اللى اقصدي اشوف قيده يصبح مفكوك
لقيته فرحان به راضي طيب مبروك
خليك فقير دق البندير وكل التعبان
روح العراق راخر قول له كيف الاحوال
لإمتى تفضل ياأخينا بحرام وعقال
ما تعرف الجاز يستعمل غير للمشعال
الطم بقى وقول ويايه الجاز اموال
واوعى المداس يفلت تحتاس وتقول لي امان
ياشرق فيك جو منور والفكر ضلام
وفيك حرارة يا خسارة وبرود اجسام
فيك سبعميت مليون زلمه لكن اغنام( ملحوظة الزلمه هي الشخص باللهجة اللبنانية والعدد كان للمسلمين ايامه)
لابالمسيح عرفوا مقامهم ولا بالاسلام
هي الشموس بتخلي الروس كدا هو بتنجان
الموضوع الأصلي: بيرم التونسي والغناء الشعبي
