منتدى مها وهدير

منتدى مها وهدير

الموضوعات العامه
 
الرئيسيةمنتدى مها وهديراليوميةس .و .جبحـثالتسجيلدخول

شاطر | 
 

 شعر عبد الرحمن الابنودى على الاحداث الجاريه

اذهب الى الأسفل 
كاتب الموضوعرسالة
ALy mahamad
جيد
جيد
avatar

ذكر عدد المساهمات : 90
تاريخ التسجيل : 16/01/2011
الموقع : http://1959.forumegypt.net

مُساهمةموضوع: شعر عبد الرحمن الابنودى على الاحداث الجاريه   السبت فبراير 05, 2011 8:31 pm



أرسل الشاعر الكبير عبد الرحمن الأبنودى إلى "اليوم السابع" المخطوط الكامل لقصيدته "الميدان" التى ألقاها أمس، الجمعة، فى برنامج الحياة اليوم، وحيا من خلالها ثورة 25 يناير.

أيادى مصرية سمرا ليها فى التمييز

ممددة وسط الزئير بتكسر البراويز

سطوع لصوت الجموع شوف مصر تحت الشمس

آن الآوان ترحلى يا دولة العواجيز

عواجيز شداد مسعورين أكلوا بلدنا أكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل

اقتلنى قتلى ما هيعيد دولتك تانى

بكتب بدمى حياة تانية لأوطانى

دمى ده ولا الربيع الاتنين بلون أخضر

وببتسم من سعادتى ولا أحزانى

تحاولوا ما تحاولوا ما تشوفوا وطن غيره

سلبتوا دم الوطن وبشيمته من خيره

أحلامنا بكرانا أصغر ضحكة على شفة

شفتوتش الصياد يا خلق بيقتلوا طيروا

السوس بينخر وسارح تحت أشرافك

فرحان بيهم كنت وشايلهم على كتافك

وأما أهالينا من زرعوا وبنوا وصنعوا

كانوا مداس ليك ولولادك وأحلافك

ويا مصر يا مصر آن العليل رجعتله أنفاسه

وباس جبين للوطن ما للوطن داسه

من قبل موته بيوم صحوه أولاده

إن كان سبب علته محبته لناسه

الثورة فيضان قديم

محبوس مشافوش زول

الثورة لو جد متبانش فى كلام أو قول

تحلب وتعجن فى سرية تفور فى القلب وتنغزل فتلة فتلة فى ضمير النول

متخافش على مصر يا با مصر محروسة حتى من التهمة دى اللى فينا مدسوسة

ولو أنت أبوها بصحيح وخايف عليها أى تركتها ليه بدن بتنخره السوسة

وبيسرقوكى يا الوطن قدامنا عينى عينك

ينده بقوة الوطن ويقلى قوم

فينك ضحكت علينا الكتب بعدت بينا عنك

لولا ولادنا اللى قاموا يسددوا دينك

لكن خلاص يا وطن

صحيت جموع الخلق قبضوا على الشمس بأيديهم

وقالوا لا من المستحيل يفرطوا عقد الوطن تانى

والكدب تانى محال يلبس قناع الحق

بكل حب الحياة خوط فى دم اخوك

قول أنت مين للى باعوا حلمنا وباعوك وأهانوك

وذلوك ولعبوا قمار بأحلامك

نيران هتافك تحرر صحبك الممسوك

يرجعلها صوتها مصر تعود ملامحها تاخد مكانها القديم

والكون يصالحها عشرات السنين تسكونوا بالكدب فى عروقنا

والدنيا متقدمة ومصر مطرحها

كتبتوا أول سطور فى صفحة ثورة

وهما علما وخبرة مداورة ومناورة

وقعتوا فرعون هرب من قلب تمثاله

لكن جيوشه مازالوا بيحلموا ببكره

صباح حقيقى ودرس جديد أوى فى الرفض

أتارى للشمس صوت وأتارى للأرض نبض

تانى معاكم رجعنا نحب كلمة مصر

تانى معاكم رجعنا نحب ضحكة بعض

مين كان يقول ابننا يطلع من النفق

دى صرخة ولا غنى وده دم ولا شفق

أتاريها حاجة بسيطة الثورة يا أخوانا

مين اللى شافها كده مين أول اللى بدأ

مش دول شاببنا اللى قالوا كرهوا أوطانهم

ولبسنا توب الحداد وبعدنا أوى عنهم

هما اللى قاموا النهارده يشعلوا الثورة

ويصنفوا الخلق مين عنهم ومين خانهم

يادى الميدان اللى حضن الذكرى وسهرها

يادى الميدان اللى فتن الخلق وسحرها

يادى الميدان اللى غاب اسمه كتير عنه وصبرها

ما بين عباد عاشقة وعباد كارهة

شباب كان الميدان أهله وعنوانه

ولا فى الميدان نسكافيه ولا كابتشينو

خدوده عرفوا جمال النوم على الأسفلت

والموت عارفهم أوى وهما عارفينه

لا الظلم هين يا ناس ولا الشباب قاصر

مهما حاصرتوا الميدان عمروا ما يتحاصر

فكرتنى يا الميدان بزمان وسحر زمان

فكرتنى بأغلى أيام فى زمن ناصر

شايل حياتك على كفك صغير السن

ليل بعد يوم المعاناة وأنت مش بتأن

جمل المحامل وأنت غاضض

بتعجب أمتى عرفت النضال

اسمحلى حاجة تجن

أتاريك جميل يا وطن مازلت وهتبقى

زال الضباب وانفجرت بأعلى صوت

لا حركتنا نبتسم ودفعت أنت الحساب

وبنبتسم بس بسمة طالعة بمشقة

فينك يا صبح الكرامة لما البشر هانوا

وأهل مصر الأصيلة اتخانوا واتهانوا

بنشترى العزة تانى والتمن غالى

فتح الوطن للجميع قلبوا وأحضانوا

الثورة غيض الأمل وغنوة الثوار

الليل إذا خانه لونه يتقلب لنهار

ضج الضجيج بالندا اصحى يا فجر الناس

فينك يا صوت الغلابة وضحكة الانفار

وإحنا وراهم أساتذة خايبة

تتعلم ازاى نحب الوطن وامتى نتكلم

لما طال الصدى قلبنا ويأسنا من فتحه

قلب الوطن قبلكم كان خاوى ومضلم

أولنا فى لسة الجولة ورا جولة

ده سوس بينخر يا أبويا فى جسد دولة

أيوه الملك صار كتابة إنما أبدا

لو غفلت عينا لحظة يقلبوا العملة

لكن خوفى مازال جوه الفؤاد يكبش

الخوف اللى ساكن شقوق القلب ومعشش

واللى مش راح يسيبه ولسه هيبقوا

وهيلاقولهم سكك وببان ما تتردش

وحاسبوا أوى من الديابة اللى فى وسطيكم

وحاسبوا أوى من الديابة اللى فى وسطيكم

وألا تبقى الخيانة منك وفيكم

الضحك على البق بس الرك على النيات

فيهم عدوين أشد من اللى حواليكم

_________________
مع تمنياتى
aly
الرجوع الى أعلى الصفحة اذهب الى الأسفل
http://www.1959.forumegypt.net
ALy mahamad
جيد
جيد
avatar

ذكر عدد المساهمات : 90
تاريخ التسجيل : 16/01/2011
الموقع : http://1959.forumegypt.net

مُساهمةموضوع: رد: شعر عبد الرحمن الابنودى على الاحداث الجاريه   السبت فبراير 05, 2011 8:34 pm



صحينا ياخال ومتخفش وعلى الشباب الجميل الى مبيخفشى وقف ونادا علينا قمنا ولبينا وكان ندا ءالعزة والصحوة ملغفلة مصر تبقا ديما ام ولادة تولد شباب جدعان يشلوها هيلة بيلة من ظلم والطغيان من كل ندل جبان بيقهر الجدعان ويعكر الزفة

_________________
مع تمنياتى
aly
الرجوع الى أعلى الصفحة اذهب الى الأسفل
http://www.1959.forumegypt.net
ALy mahamad
جيد
جيد
avatar

ذكر عدد المساهمات : 90
تاريخ التسجيل : 16/01/2011
الموقع : http://1959.forumegypt.net

مُساهمةموضوع: رد: شعر عبد الرحمن الابنودى على الاحداث الجاريه   السبت فبراير 05, 2011 8:37 pm



لسه العيون متشوقة
للحظة لقى
لسه الأماني مصدقة
مهي أصلها ماشفتش
شعب بينكسر
بين الحديد والمطرقة
ماشفتش حلمي بيتخنق
ماشفتش حبل المشنقة
وعادي بقى

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

إن جملة الآلآم والأحزان ، وكمية الدمار والخراب
إن مقدار الخوف والجوع والرعب الذى أصاب اطفالنا
ونسائنا وشيوخنا - إن لحظات الترقب والانتظار للمجهول
كل هذه النكسات والانكسارات وما تبعه من خبطات اقتصادية موجعة
إن الدموع التى ملأت العيون والحزن الذى غطى القلوب من صور ومشاهد وكلمات خرجت من أفواه العقلاء .

إن جملة الخسائر وعمق الجراح فى ضمير كل إنسان ومواطن حر عاش على تراب هذا الوطن .

كل ذلك وأكثر لا يساوى شيئاً من النقلة التى لا رجوع فيها أبداً الى الوراء
أقولها بصوت عالٍ

"الآن أصبح لى وطن "
أحسست به عندما تجولت فى شوارع القاهرة صباح يوم السبت 29يناير
أحسست به عندما أختلطت دموعى من منظر الخراب والحرائق والدمار
وأثر بقايا القنابل المسيلة للدموع الذى يملأ الأجواء .

*الآن وقد تخطيت الاربعين أستطيع أن أذهب ولأول مرة فى حياتى الى صندوق الانتخاب.
*الآن أستطيع ان أعبر عن رأى بكل حرية بلا خوف .
*الآن سأتعامل معاملة أدمية فى أقسام الشرطة ومن رجال الامن .
*الآن سأبذل كل جهدى فى عملى من اجل الارتقاء بهذا الوطن.

* الآن وفقط أصبح لى وطن .

أيها العقلاء
إن جملة المكاسب التى تحققت خلال هذه الفترة العصيبة من تاريخ الوطن
والتى عجزت عن تحقيقها أجيال من عشرات السنين تستحق منا جميعاً أن نفتخر بهذا الجيل .

علينا جميعا ان نلملم جراحنا – أن ننظف شوارعنا – ان نبنى مصرنا الحبيبة .

هنيئاً لأبنائنا وأحفادنا


_________________
مع تمنياتى
aly
الرجوع الى أعلى الصفحة اذهب الى الأسفل
http://www.1959.forumegypt.net
 
شعر عبد الرحمن الابنودى على الاحداث الجاريه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مها وهدير :: الفئة الأولى :: منتدى الشعر والخواطر-
انتقل الى: