مصر بلد الأمان ودى حقيقه عارفها كل إنسان
الشعب ليه مطالب كتير وجواه نار وبركان
طيب يا إنسان ياغلبان وطول الوقت عيان أو متهان
عبر عن رأيك براحتك من غير تكسير وغليان
طلعوا شبابك يامصرشباب واعى مثقف أحرار شجعان
الله عليهم وهما بيطالبوا بحقهم جدعان من غير جنان
هوا ده شبابك يامصر اللى يشرف مش تقولوا تافه وخيبان
دخل بينهم الحراميه البلطجيه وعملوا فوضى وهمجيه وفلتان
أسرق أحرق إنهب فى يوم وليله من كل خاين وجبان
اختفت الشرطه فجأه وراح الناس فى خبر كان
وأحمى نفسك بنفسك يامواطن لو كنت عاوز تعيش فى أمان
ياسلام عليكى يامصرعرفتى تربى ولادك بنات وصبيان
ليل نهارقلق خوف على بلدهم الكل فى اللجان سهران
عرفنا قيمتك دلوقتى لما روحت ياأمان
بس كله يهون عشان الحريه والكرامه ويروح الذل والهوان
معلش يامصر ماأنتى ياما أتحملتى من الهموم أطنان
وعدى عليكى كتير ورجعتى تانى أحس ويشهد الزمان
ماأنتى أم الدنيا بس تعملى ايه للنسيان
نسيوا أنتى مين وعملتى ايه لكل البلدان
دلوقتى تلاقيهم ما بين شمتان وطمعان
مصرعظيمه بحضارتها وشعبها هاتفضل أم الدنيا والأمان
حتى لو غاب شويه مسيره يرجع ليكى بمشيئة الرحمن
ده أنتى أتذكرتى خمس مرات فى القرآن
ربنا يحميكى يامصر وينصرك على كل خاين جبان
