مفيش مستحيل
اوعوا حد يقول ان مستحيل اللى
حصل فى تونس يحصل عندنا
قصدهم يكسروا مجادفنا ويحرقوا قلبنا
شعب تونس قال لكل الشعوب الارض
......مفيش حاجة اسمها مستحيل
......وبخطوة وحدة ممكن نوصلوا لطريق الالف ميل
...هو مين كان يتوقع الا حصل فى تونس مين
اجمل ثورة فى الدنيا ثورة الياسمين
هو فيه اية فى تونس مش موجود عندنا ؟؟؟؟؟؟
...بالعكس وضع تونس احلى الف مرة من وضعنا
احنا عندنا اية غير المنافقين والطبالين
زى الهم على قلبنا
احنا فيه اية عندنا
غير الفساد والنفاق والظلم
والتزوير والتعذيب والقتل والضرب
والواسطة والمحسوبية
والبطلجية والقهر
والذل والفقر والغلب
صدقونى مروعبين رعب
بس لازم نتعلموا الغضب
احنا تعب مننا التعب
احنا الاسم عايشين
كلنا خارج نطاق الخدمة
لا لنا صوت ولا شكل ولا كلمة
يعنى بالعربى زيادة عدد
نفسى الشعب العربى كله
يتعلم الغضب
نفسى الكل يتنفض
نفسى الشعب العربى يحس انه
له كيان وكرامة ووجود
بلاش قلة ادب
الدولة اللى يحكمها فرد
دا ولا فى بلاد العجب
واللى كل همه
يجيب ابنه من بعده
مش عارف اقول اية بس
احنا السبب
واحنا اللى لازم ندفعوه التمن
كفاية انه قتل شعب
وباع البلد
الشاعر
عبد الحميد بدوى
